Վատիկանի Պետական Քարտուղարութեան բարի գալուստի թուիթը` գերապայծառ Բարոլինին։
Երկուշաբթի 18 նոյեմբերին, Վատիկանի Պետական քարտուղարութիւնը թուիթերեան իր կայքի վրայ,
հրատարակած իր թուիթին մէջ, բարի գալուստ յայտնած է Վատիկանի նոր Պետքարտուղար` գերապայածառ
Բարոլինին` ''Վատիկանի Պետքարտուղարութիւնը բարի գալուստ կը յայտնէ նոր Պետական
Քարտուղարին` գերապայծառ Բիէդրօ Բարոլինին որ գրասենեակ ժամանեց այս առաւօտ''։
Կը կարդանք հրատարակուած վերոյիշեալ թուիթին մէջ։ Յայտնենք որ անցեալ 15 հոկտեմբերին Վատիկանի մէջ տեղի ունեցած էր նոր Պետական Քարտուղարի պաշտօնական ներկայացումը սակայն, բժշկական պատճառներու բերումով, գերապայծառ Բարոլինը միմիայն այժմ կարողացաւ ժամանել Վատիկան, ստանձնելու համար իր նոր պաշտօնը։
| All the contents on this site are copyrighted ©. |